41 years old and attracted attention for his amputated arm

Khloé Kardashian virðist í fantaformi og það eru eflaust ekki margir sem skora á hana í sjómann um þessar mundir.

Samsett mynd/Instagram

Khloé Kardashian vakti mikla athygli á Instagram á dögunum þegar hún birti nýjar myndir af sér þar sem vel mótaðir handleggir hennar voru í aðalhlutverki.

Raunveruleikastjarnan, sem er 41 árs, klæddist svörtum hlýrabol og skartaði Louis Vuitton-klút um höfuðið. Fylgjendur hennar létu ekki sitt eftir liggja í athugasemdunum og hrósuðu henni í hástert, meðal annars fyrir glæsilegt útlit og stælta handleggi.

Móðir hennar, Kris Jenner, tók undir með fylgjendunum og hrósaði dóttur sinni einnig fyrir framúrskarandi handleggi.

Vaknar klukkan fimm til að taka æfingu

Khloé hefur verið dugleg að deila innsýn í æfingarútínu sína á samfélagsmiðlum og hefur sagt að hún vakni gjarnan klukkan fimm á morgnana til að koma æfingu inn áður en dagurinn hefst.

Khloé, sem á dótturina True og soninn Tatum með fyrrverandi kærasta sínum Tristan Thompson, hefur jafnframt talað opinskátt um að erfiður skilnaður hennar við Lamar Odom hafi markað ákveðin tímamót í lífi hennar.

Hún hefur ítrekað hafnað því að hafa farið í megrunaraðgerðir eða notað megrunarlyf og segir árangurinn fyrst og fremst byggjast á reglulegri hreyfingu, mataræði og þrautseigju.

Daily Mail