Completed the reconstruction of one of the main traffic routes in Kochany

Македонија

Скопјанецот кој запали дипломатски возила, со автобус стигнал до Центар, а бензинот го купил од бензинска во близина на бугарската амбасада

Објавено пред

4 часа

- 16 јуни, 2026

Обвинителството предложи притвор за 44-годишниот скопјанец кој запали дипломатски возила пред амбасадата на Бугарија во Скопје. Против него е поведена постапка за кривично дело предизвикување општа опасност.

„На 15 јуни околу пладне, на булеварот ‘Митрополит Теодосиј Гологанов’ во Скопје, пред Амбасадата на Реублика Бугарија, осомничениот со пожар предизвикал значителна опасност за животот и телото на луѓето и за имотот од големи размери. На критичниот ден тој излегол од дома, се качил во автобус и дошол во Центар, па од бензинската пумпа во близина на бугарската амбасада наполнил бензин во пластично шише. Потоа ја преминал улицата и се доближил до двете паркирани дипломатски возила во сопственост на Амбасадата кои ги полеал со бензинот и ги запалил со запалка. Веднаш откако го предизвикал опожарувањето го напуштил местото на настанот“, соопшти Обвинителството.

Имајќи го предвид видот, карактерот и тежината на предметното кривично дело, фактот што било извршено врз две дипломатски возила на пладне, во центарот на Скопје, во период кога фреквенцијата на луѓе и возила во овој дел на градот е голема, јавниот обвиниел оцени дека постојат очигледни околности што укажуваат дека постојат условите за определување на мерката притвор и предложи на Судот да определи таква мерка за обезбедување во текот на постапката.

Македонија

ЦУК: До 18 часот регистрирани се 14 пожари на отворено

Објавено пред

5 часа

- 16 јуни, 2026

До 18 часот се регистрирани 14 пожари на отворен простор, информира Центарот за управување со кризи.

На територијата на државата до 18:00 часот се евидентирани вкупно 14 пожари на отворен простор. Од нив, пет пожари се активни, два се ставени под контрола, а седум се целосно изгаснати.

Активни пожари:

• Општина Илинден – с. Мршевци (сува трева);

• Општина Босилово – с. Секирник (депонија);

• Општина Чашка – с. Војница (нискостеблеста деградирана шума и сува трева);

• Општина Кавадарци – с. Шивец (сува трева);

• Општина Штип – с. Долани .

Пожари под контрола:

• Општина Демир Хисар – градска депонија;

• Општина Кратово – с. Железница (депонија).

Изгаснати пожари:

• Општина Битола – кај Католичките гробишта (сува трева);

• Општина Прилеп – с. Мало Коњари (сува трева);

• Општина Прилеп – кај Средното училиште „Орде Чопела“ (ѓубре);

• Општина Теарце – с. Непроштено (нива);

• Општина Гостивар – с. Бањица (сува трева);

• Општина Гостивар – м.в. Јавор, населба Питарница (сува трева);

• Општина Гостивар – населба Малеадри (сува трева).

Македонија

Невреме во Скопје и Куманово, утре попладне повторно пороен дожд и грмежи

Објавено пред

5 часа

- 16 јуни, 2026

Попладнево има развој на нестабилна облачност која започна најпрво во крајните северозападни и делови од источните предели во земјата, како и полошкиот регион. Нестабилноста во моментов продолжува со развој во Скопскиот и Кумановскиот регион каде има појава пороен дожд, засилен ветер појава на грмежи како и појава на град, соопшти УХМР.

До крајот на денот се очекува локално да продолжи развојот на нестабилната облачност со пороен дожд, грмежи и засилен ветер, а наместа и можна појава на град.

Во текот на ноќта ќе преовладува променливо облачно време. Ќе дува слаб до умерен ветер од променлив правец.

Времето утре ќе биде променливо облачно и топло со сончеви периоди. Во попладневните часови ќе има локална нестабилност со пороен дожд, грмежи и засилен ветер. Наместа процесите ќе бидат поинтензивни со пообилен пороен дожд и услови за појава на град. Ќе дува слаб до умерен ветер од променлив правец.

Минималната температура ќе биде во интервал од 10 до 17, а максималната ќе достигне од 25 до 31 степен.

Во Скопје, променливо облачно и топло со сончеви периоди. Попладне во делови од котлината ќе има услови за појава на нестабилност со пороен дожд, грмежи и засилен ветер. Ќе дува слаб до умерен ветер од променлив правец. Минималната температура ќе се спушти до 15, а максималната ќе достигне до 31 степен.

Денес и утре во попладневните часови времето ќе биде нестабилно со пороен дожд, ретки грмежи и засилен ветер. Утре процесите ќе бидат поинтензивни со пообилен пороен дожд, грмежи и услови за ретка појава на град.

Од четврток до почетокот на следната седмица времето ќе биде умерено облачно со сончеви периоди. Ќе дува умерен, повремено и засилен ветер претежно од северен правец.