Свет
(Видео) Трамп за египетскиот претседател: Се заљубив во него штом го видов
Објавено пред
29 минути
- 17 јуни, 2026
Американскиот претседател Доналд Трамп на самитот на Г7 во Франција упати пофалби кон египетскиот претседател Абдел Фатах ел Сиси, присетувајќи се на нивната прва средба за време на претседателската кампања во 2016 година.
„Се заљубив во него штом го видов. Од самиот почеток имавме добар однос“, изјави Трамп, додавајќи дека Ел Сиси тогаш не сакал да се сретне со неговата противкандидатка Хилари Клинтон.
Trump on the President of Egypt:
“He was in a hotel and I met him. And we fell in love, deeply in love.” pic.twitter.com/xzYcAynpYS
— FactPost (@factpostnews) June 17, 2026
На истиот самит Трамп говореше и за меморандумот за разбирање со Иран, предупредувајќи дека САД би можеле повторно да преземат воена акција доколку Техеран не се придржува до договореното.
„Ако не се однесуваат како што треба, повторно ќе се вратиме на бомбардирање“, рече Трамп.
Во меѓувреме, Белата куќа ги демантираше медиумските извештаи дека договорот предвидува инвестициски фонд од 300 милијарди долари за обнова на Иран. Трамп изјави дека САД „нема да вложат ни 10 центи“ и ги нарече таквите информации лажни.
Текстот на меморандумот сѐ уште не е објавен, па останува нејасно кои точно обврски содржи договорот меѓу Вашингтон и Техеран.
Регион
Црна Гора очекува брзо решение на отворените прашања со Хрватска
Објавено пред
1 час
- 17 јуни, 2026
Црна Гора е оптимист дека во наредните месеци ќе успее да реши поголем дел од отворените билатерални прашања со Хрватска, изјави министерката за европски прашања Маида Горчевиќ.
Таа по усвојувањето на позитивниот извештај за напредокот на земјата во Европскиот парламент истакна дека комуникацијата меѓу Подгорица и Загреб е добра и дека целта е сите спорни прашања да бидат затворени пред влезот на Црна Гора во Европската Унија.
Црна Гора има амбиција да стане 28. членка на ЕУ во 2028 година, а до крајот на годинава планира да ги затвори сите преговарачки поглавја.
Свет
Украинскиот министер за одбрана: Крим ќе стане изолиран остров
Објавено пред
2 часа
- 17 јуни, 2026
Украинскиот министер за одбрана Иван Федоров изјави дека украинските сили успешно спроведуваат стратегија за изолација на Крим преку масовна употреба на дронови и дека полуостровот наскоро би можел практично да стане „остров“.
Според него, руската логистика кон Крим е сериозно нарушена, а снабдувањето на руските сили станува сѐ потешко.
Коментарите доаѓаат во време кога украинските сили за беспилотни летала ги засилија нападите врз клучните руски снабдувачки правци. Украинската страна тврди дека со удари врз патната инфраструктура значително го намалила сообраќајот на важната рута Новоросија, која води кон Крим.
Командантот на украинските беспилотни сили, Роберт Бровди, изјави дека во рок од еден месец Украина би можела да воспостави целосна контрола врз таа сообраќајница и дополнително да го изолира Крим.
Во меѓувреме, руските власти воведоа ограничувања на потрошувачката на гориво на Крим, што Украина го посочува како доказ за проблемите во снабдувањето.
И покрај тоа, воените аналитичари предупредуваат дека евентуалното целосно враќање на Крим под украинска контрола би барало и голема копнена офанзива, а не само операции со дронови.
Read the full article at Makfax →
MK