The fans are angry at Ronaldo.

Спорт

Кристијано цела вечност нема постигнато гол на големите натпреварувања

Објавено пред

35 секунди

- 18 јуни, 2026

Ремито на Португалија со Демократска Република Конго (1:1) во првото коло од Светското првенство донесе уште еден факт што нема да го направи Кристијано Роналдо среќен.

Капитенот на Португалија се наоѓа во серија од десет натпревари на големи меѓународни натпреварувања без постигнат гол. Станува збор за натпревари на светските и европските првенства.

Во тој период, Роналдо упати 33 удари кон противничкиот гол, од кои 11 завршија во рамките на голот, но ниту еден во мрежата.

Својот последен гол на голем турнир го постигна на Европското првенство 2024 година, по што започна неговиот пост.

Cristiano Ronaldo is goalless in his last 10 Portugal games at major tournaments:

𝟐𝟎𝟐𝟐 𝐖𝐨𝐫𝐥𝐝 𝐂𝐮𝐩: ❌ vs. Uruguay ❌ vs. South Korea ❌ vs. Switzerland ❌ vs. Morocco

𝟐𝟎𝟐𝟒 𝐄𝐮𝐫𝐨𝐬: ❌ vs. Czechia ❌ vs. Türkiye ❌ vs. Georgia ❌ vs. Slovenia ❌ vs. France… pic.twitter.com/sWQnSYh7uO

— B/R Football (@brfootball) June 17, 2026

Португалија следниот натпревар ќе го игра против Узбекистан на 23 јуни, а во третото коло против Колумбија на 28 јуни.

Foto/ EPA

Спорт

Навивачите лути на Роналдо

Објавено пред

2 часа

- 17 јуни, 2026

Португалија во првото коло од Светското првенство 2026 одигра 1:1 против ДР Конго. Португалците добро го отворија натпреварот и поведоа уште во шестата минута, кога Жоао Невеш погоди со глава. Сепак, ДР Конго постојано се закануваше во текот на првото полувреме, а непосредно пред паузата Јоане Виса со удар со глава израмни на 1:1.

Во второто полувреме Португалија повеќе ја контролираше топката, но не создаде многу сериозни шанси, додека Конгоанците беа опасни од контранапади. Натпреварот заврши без победник, а африканската селекција освои историски прв бод на светските првенства.

Сите погледи беа вперени кон Кристијано Роналдо, но португалската ѕвезда не успеа да остави поголем белег на натпреварот. Според податоците на Би-Би-Си Спорт, до полувремето ја допрел топката само 16 пати и не упатил ниту еден удар кон голот.

Во вториот дел конечно се закани пред 70. минута, но шутираше покрај голот. Неколку моменти подоцна пропушти уште една добра можност од непосредна близина. И покрај тоа, селекторот Роберто Мартинез го остави на теренот до крајот на натпреварот.

Роналдо натпреварот го заврши со оценка 6,2 според „Софаскор“, што беше најниска оценка меѓу португалските фудбалери, заедно со Бернардо Силва, кој беше заменет на полувремето.

Последен пат пониска оценка за Португалија имал на Светското првенство пред четири години против Јужна Кореја, кога добил оценка 5,6.

На мечот против ДР Конго имаше само три обиди кон голот, од кои ниту еден не заврши во рамките на голот. Топката ја допре 25 пати, што е помалку и од голманот Диого Кошта, кој имаше 37 контакти.

Настапот на Роналдо предизвика бројни негативни реакции на социјалните мрежи.

„Роналдо е смешен, целосно исчезна од теренот“, напиша еден навивач.

Друг оцени дека тој е „лоша среќа за оваа репрезентација“, додека трети смета дека легендарниот напаѓач повеќе не треба да биде стартер и треба да започнува натпревари од клупата.

Имаше и коментари дека Роналдо и Бернардо Силва се веќе премногу стари и го забавуваат остатокот од тимот, како и дека цел свет може да види дека португалскиот капитен не е во препознатлива форма.

Еден навивач забележа дека Роналдо лошо реагирал во една ситуација во која требало да му ја препушти топката на Бруно Фернандеш, додека друг напиша дека тој бил најслабиот португалски фудбалер на теренот.

Спорт

(Видео) Португалија разочара, ДР Конго заслужено до бод против фаворитот

Објавено пред

3 часа

- 17 јуни, 2026

ДР Конго ја шокираше Португалија и освои бод во натпреварот од првото коло од Групата К на Светското првенство. Натпреварот заврши со резултат 1:1.

Сензација во Хјустон можебие само резултатот, но тој е реален според се она што се случуваше на теренот.

Португалија ја имаше топката, со бескрајни додавања, се обидуваше, но не успеа да ја пробие организираната одбрана на Конго.

Идеално започна мечот за фаворитот. По центаршутот на Нето, најнискиот на теренот, Жоао Невеш со глава погоди во шестата минута. Се обидоа потоа Португалците да притиснат уште повеќе, но не зодадоа шанса до крајот на мечот.

Како одминуваше натпреварот Конго излегуваше понапред, а Виса ја шокира Португалија во петтата минута од судиското надополнување на времето во првиот дел.

Второто полувреме се играше по речиси исто сценарио како првото, со таа разлика што играчите на Конго не играа бункер. Се обидуваа, имаа неколку опасни напади, но премногу грешее во последната третина од теренот.

Истото важи и за Португалија, легендарниот Роналдо речиси беше невидлив на теренот, имаше два обиди, но без конкретна закана.

Foto/ EPA