Свет
Трамп: Не е точно дека САД ќе му платат 300 милијарди долари на Иран
Објавено пред
8 минути
- 18 јуни, 2026
Американскиот претседател, Доналд Трамп, ги отфрли тврдењата дека САД планираат да му исплатат на Иран 300 милијарди долари според неодамна потпишаниот меморандум за разбирање.
„Нема никаква американска исплата од 300 милијарди долари за Иран. Тоа се лажни вести. За САД ова значи успех, пониски цени на нафтата и победа“, напиша Трамп на својата социјална мрежа „Тру соушал“.
Реакцијата следуваше по извештаи дека поширокиот договор меѓу САД и Иран би можел да вклучува фонд за обнова и инвестиции во вредност од 300 милијарди долари.
Американскиот потпретседател Џеј Ди Венс претходно изјави дека Иран би можел да има корист од голем инвестициски пакет доколку ги почитува условите од договорот, но нагласи дека средствата нема да доаѓаат директно од американските даночни обврзници, туку од партнерите од Персискиот Залив и приватни инвеститори.
Во посебна објава, Трамп порача дека САД остануваат посветени на мирот и повика на целосен прекин на огнот на сите фронтови на Блискиот Исток, вклучително и во Либан, како и меѓу Израел и Хезболах.
Регион
Судијата откри што изјавил Коста К. во психијатриската клиника по масакрот во српското училиште
Објавено пред
1 час
- 18 јуни, 2026
Момчето убиец од „Рибникар“ за време на сведочењето го променило својот исказ, а судијата, читајќи го образложението на пресудата за Владимир и Миљана Кецмановиќ, која денеска беше изречена во Вишиот суд во Белград, открил дека Коста К. зборувал за тоа дека се променил и дека поинаку гледа на своите родители.
Имено, Коста К., додека престојувал на Клиниката за неврологија и психијатрија за деца и млади, каде што е сместен од моментот на масакрот во Основното училиште „Владислав Рибникар“, изјавил дека размислувал за случувањата и сфатил дека не требало да го изврши масакрот.
„Сега подобро ги разбирам ситуацијата и емоциите“, навел малолетникот, а овие детали денес ги открил судијата во образложението на пресудата.
Според наводите, момчето истакнало дека почнало да верува во Бог и дека се исповедало, јавуваат српските медиуми.
„Сега подобро ја разбирам мајка ми и нејзиното однесување. Погрешно ја толкував безусловната љубов на родителите“, изјавил тој.
Односот меѓу Миљана Кецмановиќ и Коста К. останува едно од најинтригантните и најтешко објасниви прашања во целиот случај „Рибникар“.
Како што претходно беше објавено, судијата во образложението на пресудата изнел вознемирувачки психолошки увид во размислувањата на Коста К. Наведено е дека на денот на масакрот имал намера да ја повика мајка си, но се откажал поради силен страв од нејзината реакција.
Според судот, неможноста за комуникација меѓу мајката и синот довела до заклучок дека, под притисокот со кој растел, нему му било „полесно“ да изврши масовно убиство отколку да ѝ се довери на сопствената мајка.
Во Вишиот суд во Белград денеска беше изречена првостепена пресуда за Владимир и Миљана Кецмановиќ, родители на Коста К., кој на 3 мај 2023 година изврши масовно убиство во училиштето „Владислав Рибникар“.
Според одлуката на судот, таткото Владимир Кецмановиќ е осуден на 14 години и шест месеци затвор.
Тој беше обвинет дека го обучувал својот малолетен син да ракува со огнено оружје и дека не обезбедил соодветни услови за чување на оружјето и муницијата во домот, што му овозможило на момчето да дојде до пиштол и да го изврши злосторството.
Мајката, Миљана Кецмановиќ, е осудена на две години и 11 месеци затвор.
Таа беше обвинета поради сомневање дека била директно вклучена во воспитувањето и другите аспекти од животот на момчето, а на товар ѝ се става и кривично дело занемарување и злоупотреба на малолетно дете.
Свет
Трамп: Завидливи будали мислат дека не сум доволно строг кон Иран
Објавено пред
2 часа
- 18 јуни, 2026
Американскиот претседател, Доналд Трамп, ги отфрли критиките по потпишувањето на договорот со Иран, оценувајќи дека неговите противници се „завидливи, неискрени или глупави“.
„Тие будали кои мислат дека не сум бил доволно строг кон Иран, додека берзата достигнува рекордни височини, а цените на нафтата паѓаат, се завидливи, неискрени или глупави“, напиша Трамп на својата социјална мрежа.
Според договорот, Иран треба да добие пристап до замрзнатите средства во странство и постепено укинување на американските санкции за извоз на нафта по неговата имплементација.
Договорот предизвика критики во американските медиуми и во Израел, каде што сметаат дека не ги решава прашањата поврзани со иранската нуклеарна и ракетна програма.
Американскиот потпретседател Венс ја критикуваше, како што ја нарече, „чудната паника“ во Израел, нагласувајќи дека договорот не предвидува отстапки без промена на однесувањето на Иран.
Во меѓувреме, продолжуваат тензиите во Либан, каде што од најавата на договорот се регистрирани нови израелски воздушни напади.
Read the full article at Makfax →
MK