Will bring significant benefits to the community

Daði Már Kristófersson, fjármála- og efnahagsráðherra, segir að tilurð innviðafélags marki tímamót en Alþingi samþykkti lög um stofnun þess í gær.

„Með þessu nýja félagi verður til fyrirtæki sem tekur ábyrgð á því að undirbúa, fjármagna, byggja og reka stóra samgönguinnviði. Innviðafélagið mun skila verulegum ávinningi fyrir samfélagið til lengri tíma,“ segir Daði Már í tilkynningu.

Innviðafélagið verður í eigu ríkissjóðs og mun halda utan um verkefni á borð við jarðgöng og aðrar umfangsmiklar samgönguframkvæmdir í samræmi við samgönguáætlun. Innviðaráðherra mun geta gert samninga við félagið um uppbyggingu og rekstur einstakra verkefna.

Fjármagnað m.a. með tekjum af notendagjöldum

Fjármögnun verkefna mun meðal annars byggjast á tekjum af notendagjöldum, svo sem veggjöldum, lántöku á markaði og eftir atvikum framlögum frá ríkinu, að því er kemur fram í tilkynningunni.

Fram kemur að með þessu verði til skýrari og sjálfbærari umgjörð um uppbyggingu stórra samgönguinnviða til framtíðar.