Свет
Нетанјаху повика на зачувување на клучниот однос со САД по договорот со Иран
Објавено пред
1 минута
- 18 јуни, 2026
Израелскиот премиер, Бенјамин Нетамјаху, повика на зачувување на „клучниот однос“ со САД по потпишувањето на американско-иранскиот договор, нагласувајќи дека Вашингтон бил на страната на Израел за време на конфликтот со Иран.
„Борбата не е завршена и пред нас има нови предизвици. Тие бараат решителна одбрана на израелските безбедносни интереси, но и зачувување на нашиот клучен однос со американските пријатели“, порача Нетанјаху.
Тој повтори дека израелските сили ќе останат во јужен Либан и ќе одржуваат безбедносна зона онолку долго колку што е потребно од безбедносни причини.
Во меѓувреме, американскиот потпретседател Џеј Ди Венс ги критикуваше израелските претставници кои го напаѓаат договорот, потсетувајќи дека голем дел од одбранбеното оружје што го користи Израел е произведено и финансирано од САД.
Договорот меѓу Вашингтон и Техеран наиде на критики во Израел, каде што дел од политичарите и аналитичарите сметаат дека му дава отстапки на Иран без целосно да ги реши прашањата поврзани со неговата нуклеарна и ракетна програма.
Неколку часа пред објавувањето на договорот, американскиот претседател, Доналд Трамп, го критикуваше Нетанјаху поради израелските напади во Либан, нарекувајќи го „многу тежок човек“, но подоцна нивното несогласување го опиша како „мало недоразбирање“.
Свет
Трамп: Не е точно дека САД ќе му платат 300 милијарди долари на Иран
Објавено пред
8 минути
- 18 јуни, 2026
Американскиот претседател, Доналд Трамп, ги отфрли тврдењата дека САД планираат да му исплатат на Иран 300 милијарди долари според неодамна потпишаниот меморандум за разбирање.
„Нема никаква американска исплата од 300 милијарди долари за Иран. Тоа се лажни вести. За САД ова значи успех, пониски цени на нафтата и победа“, напиша Трамп на својата социјална мрежа „Тру соушал“.
Реакцијата следуваше по извештаи дека поширокиот договор меѓу САД и Иран би можел да вклучува фонд за обнова и инвестиции во вредност од 300 милијарди долари.
Американскиот потпретседател Џеј Ди Венс претходно изјави дека Иран би можел да има корист од голем инвестициски пакет доколку ги почитува условите од договорот, но нагласи дека средствата нема да доаѓаат директно од американските даночни обврзници, туку од партнерите од Персискиот Залив и приватни инвеститори.
Во посебна објава, Трамп порача дека САД остануваат посветени на мирот и повика на целосен прекин на огнот на сите фронтови на Блискиот Исток, вклучително и во Либан, како и меѓу Израел и Хезболах.
Регион
Судијата откри што изјавил Коста К. во психијатриската клиника по масакрот во српското училиште
Објавено пред
1 час
- 18 јуни, 2026
Момчето убиец од „Рибникар“ за време на сведочењето го променило својот исказ, а судијата, читајќи го образложението на пресудата за Владимир и Миљана Кецмановиќ, која денеска беше изречена во Вишиот суд во Белград, открил дека Коста К. зборувал за тоа дека се променил и дека поинаку гледа на своите родители.
Имено, Коста К., додека престојувал на Клиниката за неврологија и психијатрија за деца и млади, каде што е сместен од моментот на масакрот во Основното училиште „Владислав Рибникар“, изјавил дека размислувал за случувањата и сфатил дека не требало да го изврши масакрот.
„Сега подобро ги разбирам ситуацијата и емоциите“, навел малолетникот, а овие детали денес ги открил судијата во образложението на пресудата.
Според наводите, момчето истакнало дека почнало да верува во Бог и дека се исповедало, јавуваат српските медиуми.
„Сега подобро ја разбирам мајка ми и нејзиното однесување. Погрешно ја толкував безусловната љубов на родителите“, изјавил тој.
Односот меѓу Миљана Кецмановиќ и Коста К. останува едно од најинтригантните и најтешко објасниви прашања во целиот случај „Рибникар“.
Како што претходно беше објавено, судијата во образложението на пресудата изнел вознемирувачки психолошки увид во размислувањата на Коста К. Наведено е дека на денот на масакрот имал намера да ја повика мајка си, но се откажал поради силен страв од нејзината реакција.
Според судот, неможноста за комуникација меѓу мајката и синот довела до заклучок дека, под притисокот со кој растел, нему му било „полесно“ да изврши масовно убиство отколку да ѝ се довери на сопствената мајка.
Во Вишиот суд во Белград денеска беше изречена првостепена пресуда за Владимир и Миљана Кецмановиќ, родители на Коста К., кој на 3 мај 2023 година изврши масовно убиство во училиштето „Владислав Рибникар“.
Според одлуката на судот, таткото Владимир Кецмановиќ е осуден на 14 години и шест месеци затвор.
Тој беше обвинет дека го обучувал својот малолетен син да ракува со огнено оружје и дека не обезбедил соодветни услови за чување на оружјето и муницијата во домот, што му овозможило на момчето да дојде до пиштол и да го изврши злосторството.
Мајката, Миљана Кецмановиќ, е осудена на две годи…
Read the full article at Makfax →
MK