Црна хроника
Кривична пријава за жител на Миладиновци, истоварил 43 буриња со амонијак на државно земјиште
Објавено пред
16 минути
- 16 јуни, 2026
Полицијата поднесе кривична пријава против 62-годишниот Д.М. од селото Миладиновци поради сомнение за сторено кривично дело „загрозување на животната средина и природата со отпад“.
Според полицијата, на 12 ноември 2025 година пријавениот со товарно возило истоварил 43 метални буриња исполнети со водени раствори на амонијак на земјоделска површина во атарот на неготинското село Кукуричани.
Како што соопштија од полицијата, земјиштето на кое биле оставени бурињата е во државна сопственост.
Црна хроника
20-годишникот кој се удави вчера во Струга бил со педалинка во езерото – МВР со детали
Објавено пред
37 минути
- 16 јуни, 2026
Дваесетгодишниот С.С. починал во Медицинскиот центар во Струга, откако преходно бил изваден од водите на Охридското езеро на „Машката плажа“.
Според информациите од полицијата, тој бил со педалинка во езерото.
„Бил пренесен во Медицински центар Струга за укажување на лекарска помош,а во 16:05 часот починал. Лекар констатирал смрт, а по наредба на јавен обвинител телото на починатиот е предадено за обдукција“, соопшти МВР.
Извршен е вид од увидна екипа на ОВР Струга.
Топ
Пронајдено бебе оставено во парк во Шуто Оризари, полицијата го расчистува случајот
Објавено пред
46 минути
- 16 јуни, 2026
Седум до осум месеци старо бебе било пронајдено оставено на клупа во парк на подрачјето на Шуто Оризари, информираа од Министерството за внатрешни работи.
Случајот бил пријавен на 15 јуни во 19:30 часот во СВР Скопје од скопјанецот А.С., кој го забележал бебето и ја известил полицијата.
Полициски службеници излегле на местото на настанот, а екипа на Итна медицинска помош го пренела бебето во Комплексот клиники „Мајка Тереза“. По извршениот преглед било утврдено дека детето е во добра здравствена состојба и нема видливи повреди.
„По преземени мерки, во Полициското одделение Шуто Оризари на разговор се повикани М.М.(49), И.М.(54) и Ш.М.(32), сите од Скопје, кои појасниле дека Ш.М. на подрачјето на Центар се сретнала со С.Н., која ѝ го дала детето да го причува. Откако С.Н. не се вратила, Ш.М. со бебето заминала во населбата Шуто Оризари и го оставила детето во паркот“, велат од МВР.
За случајот е известен јавен обвинител, а полицијата презема мерки за негово целосно расчистување.
Read the full article at Makfax →
MK