Македонија
Донесена национална стратегија за борба против корупција – целта е ефикасна превентива
Објавено пред
8 минути
- 19 јуни, 2026
Претседателот на Собранието, Африм Гаши, оствари средба со претседателот на Државната комисија за спречување на корупцијата (ДКСК), Адем Чучуљ. На Претседателот Гаши му беше предадена Националната стратегија за спречување на корупцијата и судирот на интереси 2026–2030.
Чучуљ ги претстави клучните приоритети и цели на Стратегијата, која се фокусира на седум области и сектори, и тоа: хоризонталните области – јавни набавки и надзор над спроведувањето на законите, како и секторите правосудство, транспорт и инфраструктурни проекти, просторно планирање, урбанистичко планирање и градежништво, здравство и животна средина, енергетика и природни ресурси.
Претседателот на ДКСК нагласи дека основната цел на Стратегијата е воспоставување ефикасни превентивни механизми кои ќе придонесат за ограничување на корупцијата уште пред нејзиното појавување.
Претседателот Гаши ја изрази својата поддршка за работата на ДКСК и ја истакна важноста од донесувањето и спроведувањето на ваква стратешка рамка за државата. Тој посочи дека корупцијата претставува сериозен предизвик за функционирањето на институциите и дека нејзиното зголемување директно влијае врз слабеењето на државниот систем и довербата на граѓаните. Воедно, се осврна и на значењето на донесувањето на Етичкиот кодекс за пратениците како дел од напорите за унапредување на интегритетот и отчетноста во институциите.
Во текот на разговорот беа разменети мислења и за искуствата на другите држави во борбата против корупцијата, како и за превентивните мерки што би произлегле од имплементацијата на Стратегијата.
На крајот од средбата, претседателот Гаши ја истакна подготвеноста за понатамошно продлабочување на соработката меѓу Собранието и ДКСК, додека Чучуљ изрази уверување дека успешното спроведување на Стратегијата ќе донесе конкретни придобивки за граѓаните и ќе придонесе за зајакнување на интегритетот и владеењето на правото во државата.
Македонија
Одржана јавна расправа по Предлогот на закон за игрите на среќа и за забавните игри
Објавено пред
1 час
- 19 јуни, 2026
На денешната, 68-ма седница на Комисијата за финансирање и буџет се одржа – „Јавна расправа по Предлогот на закон за игрите на среќа и за забавните игри“.
Седницата ја отвори претседателката на Комисијата за финансирање и буџет, пратеничката Сања Лукаревска, која ги информираше присутните за начинот на работа и текот на јавната расправа. Таа упати поздрав до сите учесници и им се заблагодари на претставниците на надлежните институции, засегнати страни, експерти од областа, асоцијации, здруженија на граѓани за нивното присуство и учество во расправата. По воведното обраќање, претседателката на Комисијата ѝ даде збор на министерката за финансии, Гордана Димитриеска-Кочоска, која го образложи Предлогот на закон за игрите на среќа и за забавните игри.
Министерката, во своето обраќање ги образложи целите на донесувањето и примената на овој закон, кои се изразени преку потребата од спречување на сивата економија во областа на игрите на среќа со стекнување на сигурност и доверба кај учесниците во игрите на среќа и нивна заштита (пред се на младата популација), заштита на приредувачите особено од нелојалната конкуренција, легализација и контрола на паричните текови во оваа област и остварувањето на интересот на државата.
Со Предлогот на закон се врши прецизно дефинирање на игрите на среќа и забавните игри, класификација на игрите на среќа, пропишување на специфичностите на управната постапка за издавање и одземање на правото на приредување на игрите на среќа и забавните игри, контролата врз приредувањето, прекршочните одредби, како и одредување на намената на приходите остварени од приредувањето на игрите на среќа и забавните игри.
По образложението на Законот од страна на министерката се отвори широка и конструктивна дебата, во која присутната јавност детално ги искажа своите мислења, ставови, забелешки и сугестии во однос на предложените законски решенија. Учесниците активно се вклучија во дискусијата, при што беа разгледани различни аспекти од примената на Законот, неговите очекувани ефекти и можните предизвици при имплементацијата.
По исцрпувањето на листата на пријавени за збор, претседателката Лукаревска им се заблагодари на присутните за активното учество и плодната дискусија по предложеното законско решение. Таа истакна дека во натамошната собраниска постапка ќе бидат поднесени соодветни амандмани, со цел унапредување на текстот на законот и обезбедување поквалитетно и поефикасно законско решение во интерес на граѓаните.
Македонија
Викендот сончев и топол, попладне услови за локална нестабилност
Објавено пред
1 час
- 19 јуни, 2026
Времето утре ќе биде сончево и топло со мала до умерена облачност. Ќе дува слаб до умерен ветер од северен правец. Минималната температура ќе биде во ин…
Read the full article at Makfax →
MK