Trump says he's written in desperation

Khamenei segist annarar skoðunnar um innihald samkomulagsins.

Samsett mynd/AFP

Æðsti leiðtogi Írans, Mojtaba Khamenei, heimilaði friðarsamkomulag við Bandaríkin sem var undirritað í Frakklandi í gær. Hann segist þó sjálfur annarrar skoðunar um innihald þess.

Í yfirlýsingu Khameneis sem lesin var upp í íranska ríkissjónvarpinu IRIB sagði Khamenei að Donald Trump Bandaríkjaforseti hefði „í örvæntingu sinni gripið til ýmiss konar þrýstings og valdbeitingar til að knýja fram þessa niðurstöðu.“

Féllst á orð forsetans

Hann hafi þó heimilað undirritun samningsins eftir að forseti Írans Masoud Pezeshkian fullvissaði hann um að hann hefði aðeins réttindi írönsku þjóðarinnar að leiðarljósi.

Íran muni nú bíða þess að þau skilyrði sem sett hafa verið fram í samkomulaginu verði uppfyllt.

Viðurkenna ekki afstöðu Bandaríkjanna

Hann tók jafnframt fram að hugsanlegar beinar viðræður í framtíðinni „feli ekki í sér viðurkenningu á afstöðu óvinarins (e. the enemy's position)“.

Mojtaba Khamenei tók við sem æðsti leiðtogi Írans eftir að faðir hans, Ali Khamenei, féll á fyrsta degi átakanna.