Name the son in an unexpected way

„Tuttugu þúsund manns í höllinni í gærkvöldi … en bara við fjögur í morgun,“ skrifaði hún við færsluna.

Samsett mynd/Instagram

Áhrifavaldurinn Molly-Mae Hague og hnefaleikamaðurinn Tommy Fury greindu frá nafni nýfædds sonar síns með óvenjulegum hætti.

Fury mætti Eddie Hall í bardaga í Manchester á laugardagskvöld og hafði látið sauma nafnið Midas á stuttbuxurnar sínar. Þar með var ljóstrað upp um nafn drengsins, sem kom í heiminn fyrr í þessum mánuði.

Hague, sem er 27 ára, fylgdist með bardaganum og vakti athygli í hvítum kjól frá eigin fatamerki, Maebe.

Daginn eftir birti Hague mynd á Instagram þar sem Fury sést sofandi með son þeirra í fanginu. „Tuttugu þúsund manns í höllinni í gærkvöldi … en bara við fjögur í morgun,“ skrifaði hún við myndina.

Skiptar skoðanir um nafnið

Fury tileinkaði syni sínum sigurinn eftir bardagann og þakkaði Hague fyrir að hafa haldið utan um heimilið og börnin á meðan hann undirbjó sig. Parið á einnig dótturina Bambi.

Nafnið Midas er sótt í gríska goðafræði og vísar til konungs sem fékk þá ósk uppfyllta að allt sem hann snerti breyttist í gull. Nafnavalið hefur vakið blendin viðbrögð á samfélagsmiðlum. Sumir segja parið hafa misskilið merkingu sögunnar, á meðan aðrir hrósa nafninu og segja það fllegt og sérstakt.

Daily Mail