Peninsular roads threaten to open

Frá Sprengisandsleið. Á fullri ferð yfir Fjórðungskvísl, rétt við Nýjadal.

mbl.is/Sigurður Bogi

Kjalvegur, sú hálendisleið sem jafnan opnast fyrst á vorin, er nú orðinn fær öllum bílum. Vegagerðin lét fyrir nokkrum dögum hefla veginn frá Gullfossi og inn á Hveravelli. Að norðan úr Blöndudal er vegurinn að stórum hluta uppbyggður og leið því greið. „Þarna má fara um á öllum sæmilega útbúnum bílum,“ segir Grétar Einarsson, verkstjóri Vegagerðarinnar á Selfossi.

Margir sem leggja á Kjalveg fara í Kerlingarfjöll eða á Hveravelli. Svo er þetta líka stysta leiðin milli landshluta, 165 km eru frá Gullfossi til fremstu bæja í Blöndudal.

Að Fjallabaki er flest að verða fært. Nú í vikubyrjun var stungið í gegnum snjóskafla á leiðinni frá Sigöldu í Landmannalaugar. Í framhaldinu þarf að gera lítið eitt til góða fyrir veginn, sem ætti að verða fær í vikulokin. Dómadalsleiðin úr Landsveit í Laugar er enn lokuð. Eftir veturinn hefur talsvert grafið úr veginum sem fylla þarf í og gera lagfæringar. Hvenær fært verður er þó aðeins spurning um örfáa daga.

Fáðu aðgang að þessari grein

Með áskrift færðu fullan aðgang að öllum læstum greinum Árvakurs — vandað, fjölbreytt og traust efni, hvar og hvenær sem er.

Þannig styður þú íslenska fjölmiðlun og hjálpar okkur að halda áfram að segja sögurnar sem skipta máli.

Tryggðu þér aðgang núna.

Nánar um málið í Morgunblaðinu

Áskrifendur:

Nánar um málið í Morgunblaðinu

Áskrifendur: