Drama in two parts: The ball of the fairies and the storm of power

Það bar heldur betur til tíðinda í gervigreindarheiminum í vikunni, þegar SpaceX var skráð á markað. Ýmislegt annað átti sér hins vegar einnig stað sem minna fór fyrir.

Þáttur eitt

Fyrri þáttur ber yfirskriftina „Maður verður billjónamæringur“ en ætti í raun að heita „Það er eins gott fyrir fjárhagslega framtíð þína og fjölskyldu þinnar að AI sé ekki bóla“.

Við fyrstu sýn er fréttin sú að eftir skráningu SpaceX á markað vestanhafs er Elon Musk orðin fyrsti billjónamæringur heimsins. Þá var einnig greint frá því í vikunni að verið sé að leggja drög að skráningu Anthropic og OpenAI.

Þessar fregnir virðast koma John Johnson í Middleton, Delaware eða Jónu Jónsdóttur í Vesturbænum lítið við.

Bæði greiða hins vegar í eftirlaunasjóði sem fjárfesta í hlutabréfum. Margir sjóðir fylgja vísitölum á borð við S&P 500 vísitöluna eða Nasdaq vísitöluna og líkur eru á að áðurnefnd fyrirtæki; SpaceX, Anthropic og OpenAI, muni á endanum rata inn í þessar vísitölur.

Þannig verða fjárfestingar sjóðanna, og þar af leiðandi eftirlaun John og Jónu, háð velgengni fyrirtækjanna.

Það er hrollvekjandi að hugsa til þess hversu mikið vald örfáir, ókjörnir menn hafa nú yfir mannkyninu. Jafnvel þótt ofurgreindin verði ekki að raunveruleika hefur tæknin sem þessir menn ráða yfir verið innleidd í hernað og daglegt líf fólks um allan heim. Þá seilast þeir nú í vasa launþega með skráningu á markað, hvort sem fólk kærir sig um það eða ekki. Getty

Gervigreindarspekúlantar eru gjarnan sagðir skiptast í tvo hópa; þá sem eru ofurbjartsýnir og þá sem eru ofursvartsýnir.

Þeir bjarsýnu sjá hömlulausa framþróun mannkyninu til bóta og mögulega útópíu, þar sem framleiðni hefur verið hámörkuð, hagvöxtur er kominn upp úr öllu valdi og mannskepnan dundar sér við hugðarefni sín laus við áhyggjur og störf.

Þeir svartsýnu telja margir fordómalausa bólu vera að myndast, sem muni á endanum springa með ófyrirsjáanlegum afleiðingum.

Málið snýst ekki um það að gervigreindin muni ekki hafa margt gott í för með sér og leiða til jákvæðra breytinga og nýjunga, til að mynda á sviði læknisfræðinnar og í baráttunni gegn loftslagsbreytingum.

Umræddir einstaklingar benda hins vegar á að eins og staðan sé núna séu gervigreindarfyrirtækin að verja milljörðum dala í uppbyggingu gagnavera og annarra innviða án þess að hafa tekist að finna leið til að hafa tekjur af vöru sinni.

Sérfræðingar hjá Bank of America, Bank of England og fjölda fjármálastofnana, og jafnvel forsvarsmenn gervigreindafyrirtækjanna sjálfra, hafa varað við mögulegu hruni.

Gervigreindin mun ekki kvarta undan ójafnvægi milli vinnu og einkalífs, segir í þessari auglýsingu. Gervigreindin getur hins vegar ekki heldur hugsað, fundið til né sett hlutina í samhengi. Getty/Justin Sullivan

Einfaldað er vandamálið þetta:

Gert er ráð fyrir að allt að fimm billjónum króna verði varið í fjárfestingar í gervigreindarinnviðum fyrir árið 2030. Þar af hafa fjögur fyrirtæki; Amazon, Alphabet, Meta og Microsoft sagst munu fjárfesta fyrir um 670 milljarða dala á þessu ári.

Á sama tíma nema tekjur OpenAI og Anthropic, sem eru komin hvað lengst í þróun gervigreindarinnar og taka inn mikinn meirihluta allra tekna, með tekjur upp á samtals um 45 milljarða á ári.

Við þetta má bæta að fyrirtækin eru mörg hver nátengd og virði þeirra hefur stóraukist vegna samninga þeirra á milli.

Þannig hefur örflöguframleiðandinn Nvidia til að mynda samþykkt að fjárfesta fyrir allt að 100 milljarða í OpenAI, sem mun verja fjármununum til að kaupa örflögur af Nvidia. Bloomberg hefur kortlagt hvernig sömu milljarðarnir flakka með þessum hætti á milli ársreikninga gervigreindarfyrirtækjanna og auka virði þeirra í hvert sinn.

Margir meina að á sama tíma og virði fyrirtækjanna sé í hæstu hæðum, séu undirstöðurnar afar ótraustar.

MIT komst til að mynda að þeirri niðurstöðu í fyrra að innleiðing gervigreindarinnar hjá fyrirtækjum hefði aðeins skapað tekjur í um fimm prósent tilvika. Ef marka má fregnir vestanhafs hefur dregið verulega úr áhuga fyrirtækja á því að fjárfesta í dýrum gervigreindarlausnum.

Þá heyrast þær raddir að háleit markmið um sköpun ofurgreindar séu aðeins hugarórar; mállíkönum séu takmörk sett, enda séu þau aðeins endurvinnsla á þekkingu sem þegar liggur fyrir. Þannig séu tekjumöguleikum gerveigreindarfyrirtækjanna einnig skorður settar.

Iron Man

Margir aðdáendur gervigreindarinnar hafa líkt henni við Iron Man úr Marvel sagnabálkinum. Gervigreindinni sé ekki ætlað að koma í staðinn fyrir manninn, heldur gera honum kleift að gera ofurmannlega hluti.

Ef samlíkingin er tekin lengra afhjúpar hún hins vegar hætturnar.

Hvað gerist þegar maðurinn gefur sig á vald búningnum, á vald Jarvis? Við fyrstu sýn er manneskjan innan í búningnum við stjórnvölinn og gefur skipanirnar. En á sama tíma hættir hann að nota heilann. Gervigreindarþjónninn Jarvis gerir útreikningana, framkvæmir það sem þarf að gera. Búningurinn tekur við verkefnum beina og vöðva.

Maðurinn verður smám saman háður búningnum. Hann hættir að geta le…