Bruce Willis still knows his family

Bandaríski leikarinn Bruce Willis og eiginkona hans Emma Heming Willis á frumsýningu í New York árið 2019.

AFP/Angela Weiss

Emma Heming Willis, eiginkona Bruce Willis, segir algengan misskilning ríkja um sjúkdóm leikarans, en hann greindist með framheilabilun (FTD) og málstol árið 2023.

Í samtali í hlaðvarpinu The Bossticks útskýrði Heming Willis að sjúkdómurinn geti birst með mismunandi hætti. Hjá Willis hefur sjúkdómurinn einkum áhrif á mál og tjáningu en ekki minni.

„Fólk spyr oft hvort hann muni hver ég er. Hann gerir það. Hann er ekki með Alzheimer, hann er með FTD,“ sagði hún og bætti við að minnisleysi væri ekki sjálfkrafa hluti af heilabilun.

Heming Willis sagði eiginmann sinn þekkja ástvini sína, þar á meðal dætur sínar fimm. Hún lagði áherslu á að FTD væri ekki það sama og Alzheimer-sjúkdómur, þótt Alzheimer væri algengasta tegund heilabilunar.

Fjögur ár frá fyrstu greiningu

Willis-fjölskyldan greindi frá því í mars 2022 að leikarinn hygðist draga sig í hlé frá störfum eftir að hafa greinst með málstol. Í febrúar árið eftir var greint frá því að hann væri með framheilabilun.

Willis, sem er 71 árs, á dæturnar Mabel, 14 ára, og Evelyn, 12 ára, með Heming Willis. Hann á einnig Rumer, 37 ára, Scout, 34 ára, og Tallulah, 32 ára, með fyrrverandi eiginkonu sinni Demi Moore.

Page Six