The transition period has been very good for me.

Shania Twain á verðlaunahátíð nýverið.

AFP/David Becker

Shania Twain segir breytingaskeiðið hafa haft góð áhrif á sjálfsmynd sína, þrátt fyrir að hún hafi um árabil átt í erfiðu sambandi við eigin líkama.

Söngkonan, sem er sextug, ræddi líkamsímynd og öldrun í nýju viðtali við The Times . Þar sagði hún frá því að á meðan hún var með sýningar í Las Vegas árið 2019 hefði hún átt erfitt með að horfa á sjálfa sig í spegli.

„Ég hætti að horfa á mig í speglinum. Ég hataði líkama minn,“ sagði Twain og lýsti því hvernig líkaminn hefði tekið að breytast með aldrinum. Hún sagðist hafa reynt að halda þyngdinni niðri með óheilbrigðum hætti og oft gengið of langt.

„Ég var að gera mjög óheilbrigða hluti,“ sagði hún og sagði að hún hefði gengið of hart að líkama sínum án þess að veita honum næga næringu.

Í dag segist Twain líta allt öðrum augum á líkama sinn. Hún segir breytingaskeiðið hafa kennt sér að sætta sig við það sem hún geti ekki stjórnað.

„Nú segi ég bara: komið með speglana, ég ætla að horfa á mig allan daginn,“ sagði Twain létt í bragði. „Breytingaskeiðið hefur verið mjög gott fyrir mig.“

„Ég er eins og ég á að vera“

Twain hefur áður rætt opinskátt um að hafa lært að sættast við líkama sinn með aldrinum. Árið 2023 sagðist hún hafa ákveðið að sitja nakin fyrir á plötuumslagi Queen of Me til að fanga þann stað sem hún væri komin á í lífinu.

„Ég er eins og ég á að vera. Svona á ég að vera á þessum aldri. Ég er sátt við það og er ekki hrædd við það lengur,“ sagði hún þá.

People