It's not easy to lose love.

Guðmundur Ingi Þóroddsson og Tito Ciprian Balea eru farnir hvorir í sína áttina.

Ljósmynd/Facebook

Guðmundur Ingi Þóroddsson formaður Afstöðu er einhleypur eftir að upp úr sambandi hans og Tito Ciprian Balea slitnaði. Hann segir að það sé erfitt að missa ástina.

„Við Tito erum að skilja eftir 18 ár saman og höfum reyndar þegar gengið frá því. Við búum enn saman en erum að vinna í því að koma okkur fyrir í sitthvoru lagi sem tekur smá tíma. Það er auðvitað ekki auðvelt að missa ástina, jarðtenginguna og akkerið eftir svona langan tíma en lífið heldur áfram,“ segir Guðmundur Ingi í samtali við Smartlandi.

Hann er staddur á Möltu um þessar mundir.

„Ég er núna í vinnuferð á Möltu á ráðstefnu um framtíð fangelsismála í Evrópu og er akkúrat núna á leið í veislu nýkjörins dómsmálaráðherra Möltu. Svo verður haldið til Rúmeníu að skoða fangelsi og svo tekur bara við sumarfrí,“ segir Guðmundur Ingi.