An American B-52 bomber crashed in California.

„Службите за итни случаи веднаш се испратени на местото на несреќата, а ситуацијата е во тек. Ќе објавиме повеќе информации штом ќе бидат достапни“, се вели во официјалното соопштение. Воздушните снимки покажуваат изгорена и зачадена област на местото на несреќата.

Aftermath of U.S. Air Force B-52 Stratofortress crash at Edwards Air Force Base, California.

📹: FOX NEWS https://t.co/z2akYXYWvF pic.twitter.com/bG9nobPmMF

— Turbine Traveller (@Turbinetraveler) June 15, 2026

Боинг Б-52 „стратофортрес“ е во служба на американската војска од 1950-тите. Поради својот изглед, го носи прекарот „БАФ“, што е кратенка за „Голем грд дебел“. Станува збор за стратегиски бомбардер со долг дострел кој, меѓу другото, учествувал во бомбардирањето на Иран за време на последната американско-израелска војна против таа земја.

Ова летало може да лета на надморска височина до 15.000 метри, што е значително повисоко од комерцијалните авиони што летаат на околу 10.000 метри. Може да носи товар од околу 31 тон, што може да вклучува стотици конвенционални бомби или до 32 нуклеарни крстосувачки ракети. Способноста за полнење гориво во воздух му дава потенцијално неограничен опсег на дејствување.

Благодарение на неограничениот опсег, Б-52 го претставуваше „нуклеарниот чадор“ за Соединетите Американски Држави во ерата на меѓусебно гарантирано уништување за време на Студената војна. Екипажот на авион обично се состои од пет члена: командант, пилот, радарски навигатор, навигатор и офицер за електронско војување.