The Summer Color That Is Not On The Way Out

Katrín prinsessa er hrifin af því að klæðast einum lit frá toppi til táar.

Henry Nicholls/AFP

Katrín, prinsessa af Wales, vakti mikla athygli á hinum árlega Garter Day-viðburði, í smjörgulum fatnaði. Smjörgulur litur hefur verið einstaklega áberandi síðustu sumur, þá sérstaklega á síðasta ári, en það er augljóst að enginn er kominn með leið á litnum. Það eru góðar fréttir fyrir þá sem fjárfestu í ótal mörgum smjörgulum flíkum.

Kjóll Katrínar er frá Patrick McDowell og er sérsaumaður kápukjóll sem ýkir upp mittið og er með skörpum kraga. Flíkin er saumuð úr sérhönnuðu ensku silkidamaski með rósamynstri. Efnið var framleitt í samstarfi við elstu silkiverksmiðju Bretlands, Stephen Walters í Sudbury. Katrín paraði kjólinn við ljósa, kremlitaða hælaskó og hatt.

Á síðasta ári afhenti Katrín Patrick McDowell Queen Elizabeth II verðlaunin for British Design, sem veitt eru fyrir framúrskarandi framlag til breskrar hönnunar og sjálfbærni.

Katrín klæddist sérsaumuðum kjól í Windsor.

Chris Jackson/AFP

Order of the Garter er elsta riddararegla Bretlands og var stofnuð af Edward III konungi á 14. öld. Á árlegri athöfn reglunnar koma saman konungur, drottning, aðrir meðlimir konungsfjölskyldunnar og allt að 24 félagar reglunnar, sem eru heiðraðir fyrir þjónustu sína við þjóðina.