Свет
Израел и Хезболах договорија примирје
Објавено пред
32 минути
- 19 јуни, 2026
Израел и Хезболах постигнаа договор за примирје којшто стапи во сила денеска во 16 часот по локално време, потврди американски претставник за „Би-Би-Си“.
Објавата за прекинот на огнот доаѓа по нов бран насилства во јужен Либан. Според либанското Министерство за здравство, во израелските воздушни напади во текот на ноќта загинале најмалку 18 лица.
Од друга страна, израелската армија соопшти дека во борбите загинале четворица нејзини војници.
Претходно, Израелските одбранбени сили (ИДФ) објавија дека погодиле 80 цели поврзани со Хезболах и ликвидирале „десетици“ припадници на движењето.
Примирјето е договорено еден ден по потпишувањето на договорот меѓу САД и Иран, чија цел е запирање на конфликтите на Блискиот Исток.
Според досега објавените информации, договорот предвидува и траен прекин на непријателствата во Либан.
Топ
Поднесено обвинение против серискиот убиец од Старо Нагоричане
Објавено пред
2 часа
- 19 јуни, 2026
По завршена истрага Основното јавно обвинителство Куманово денеска поднесе Обвинителен акт против 25-годишен жител на Старо Нагоричане осомничен дека извршил четири кривични дела – Убиство од член 123 став 2 точка 4 од Кривичниот законик, како и два обиди за убиство од истиот квалификуван облик.
Бидејќи со умисла лишил од живот повеќе лица, согласно член 123 став 3 од Кривичниот законик, му се заканува казна затвор од најмалку 10 години или доживотен затвор.
Согласно извршените вештачења во текот на истрагата делата ги вршел од други ниски побуди, односно со намера да ги задоволува своите полови страсти спрема мртви женски тела.
Така, ноќта помеѓу 05.01.2025 година и 06.01.2025 година во с. Клечовце со умисла лишил од живот повозрасна и немоќна жена. Влегол во нејзината куќа и додека таа била заспана на креветот физички ја нападнал и насилно почнал да ја задушува. Од бројните скршеници и повреди поради кои не можела да дише, жената починала.
Во точно неутврден временски период помеѓу 05.06.2025 и 07.06.2025 година во с. Драгоманце, на сличен начин со умисла лишил од живот уште една жена.
Третиот настан е евидентиран на 22.07.2025 година во с. Челопек, каде се обидел да лиши од живот жена која успеала да го заплаши така што викнала по нејзиниот син, па обвинетиот избегал.
Во вечерните часови помеѓу 17.01.2026 година и 18.01.2026 година во с. Старо Нагоричане, обвинетиот со умисла лишил од живот жена која била помлада по возраст, но за која исто така знаел дека е сама. Начинот на извршување на делото бил сличен како кај претходните жртви.
Во селото Челопек, во вечерните часови помеѓу 05.02.2026 година и 06.02.2026 година обвинетиот лишил од живот уште една повозрасна и немоќна жртва.
Последниот евидентиран настан е на 09.02.2026 година во с. Челопек, каде со умисла се обидел да лиши од живот уште една жена, но се исплашил од звук што го слушнал и побегнал пред да ја реализира намерата.
Јавниот обвинител до судијата на претходна постапка од Основниот суд во Куманово достави и предлог за продолжување на претходно определената мерка притвор за обвинетиот.
Македонија
Откажана најавената блокада на трите гранични премини меѓу Бугарија и Македонија
Објавено пред
5 часа
- 19 јуни, 2026
Најавената блокада на трите гранични премини меѓу Бугарија и Северна Македонија, која требаше да се одржи в недела, е откажана, соопшти Виктор Стојанов, претседател на бугарската Фондација „Македонија“.
Oдлуката е донесена по разговори со претставници на бугарското Министерство за надворешни работи и бугарскиот амбасадор во Скопје, Жељазко Радуков.
Според Стојанов, институциите оцениле дека евентуална блокада на граничните премини Ѓуешево-Деве Баир, Станке Лисичково-Делчево и Златарево-Ново Село би била контрапродуктивна и би создала дополнителни тензии.
За откажувањето на протестот информираа и од Асоцијацијата „Макам-транс“, од каде што соопштија дека очекуваат товарниот и патничкиот сообраќај да се одвива непречено.
Read the full article at Makfax →
MK