Регион
Маѓар: Забрзаниот влез на Украина во ЕУ би бил неправеден кон Западен Балкан
Објавено пред
2 часа
- 19 јуни, 2026
Унгарскиот премиер Петер Маѓар изјави дека забрзаното членство на Украина во Европската Унија би било неправедно кон земјите од Западен Балкан, кои со години се во пристапниот процес.
Тој пред почетокот на состанокот на Европски совет во Брисел нагласи дека проширувањето треба да се заснова на резултати и исполнети критериуми, а не на политички одлуки.
Според Маѓар, не треба да се забрзува пристапувањето на одделни кандидати на сметка на државите од Западен Балкан, бидејќи тоа не би било ниту праведно ниту прагматично.
Тој оцени дека е малку веројатно сите земји членки да имаат ист став по ова прашање, но порача дека Унгарија ќе ги застапува сопствените интереси во преговорите за идното проширување на ЕУ.
Свет
Четворица израелски војници загинаа по напад врз тенк во јужен Либан
Објавено пред
2 часа
- 19 јуни, 2026
Израелската армија соопшти дека четворица нејзини војници загинале во борбите во јужен Либан, откако засега неидентификуван објект погодил тенк во близина на селото Тебнит.
Меѓу загинатите е и потполковникот Дор Гедалија Бен Симхон (32), командант на 52. баталјон на 401. оклопна бригада. Околностите под кои бил погоден тенкот сè уште се истражуваат.
Од израелската војска соопштија дека семејствата на загинатите се известени, додека имињата на останатите тројца војници засега не се објавени. Бен Симхон бил татко на две деца и потекнувал од семејство со долга воена традиција.
Европа
Зеленски ги предупреди Украинците: Путин станува слаб, ве молам користете засолништа
Објавено пред
3 часа
- 19 јуни, 2026
Украинскиот претседател Володимир Зеленски ги предупреди граѓаните дека Русија би можела да ги засили нападите со ракети и беспилотни летала врз Украина во наредниот период. Зборувајќи со новинарите, Зеленски тврдеше дека рускиот претседател Владимир Путин ослабува на неколку нивоа и дека токму затоа би можел да прибегне кон уште потешки напади.
„Путин станува слаб. Тој е политички слаб, слаб на бојното поле и физички. Затоа би можел да ги засили нападите врз нас, врз нашиот народ, со ракети и беспилотни летала. Користете засолништа. Ве молам, навистина ве молам“, рече Зеленски.
Претседателот ги сумираше резултатите од состанокот на Контакт групата за одбрана на Украина, позната како Рамштајн формат, истакнувајќи дека Украина, преку програмата PURL, добила потврди за поддршка од девет земји за купување ракети за системот Патриот во вредност од повеќе од милијарда американски долари.
Тој додаде дека Европската Унија дополнително ќе ги заостри санкциите против Русија. Според него, партнерите на Украина сè повеќе сфаќаат дека рускиот лидер нема намера да ја запре војната и дека неговите изјави за желба за мир се невистинити.
„Партнерите разбираат дека Путин не сака да запре и дека сите негови приказни за мир се лаги“, рече Зеленски. И покрај ова, тој нагласи дека Украина останува подготвена за преговори со цел да се постигне мир.
„Путин сака сè да изгори тука и дејствува неодговорно. Нашите партнери го гледаат ова. И покрај ова, Украина е подготвена да преговара со него“, рече тој.
Зеленски ги повика европските сојузници да заземат уште порешителен став кон Русија, така што Украина ќе има најсилна можна позиција во какви било преговори. „Европа мора да биде целосно вклучена за да имаме силна позиција. Во санкции, без исклучоци. Во конфискација на руски имот, без исклучоци. И во финансирањето на Украина“, тврди тој.
Read the full article at Makfax →
MK