A resident of the village of Livada, Strumica, died in a serious traffic accident in Albania.

Црна хроника

Скопјанец спасен од давење во Вардар, очевидец го забележал и го извлекол од водите

Објавено пред

8 минути

- 13 јуни, 2026

Осумдесет и тригодишен скопјанец бил спасен од давење во реката Вардар на подрачјето на Карпош, соопшти МВР.

Според пријавата, на 12 јуни околу 7 часот очевидец забележал машко лице кое се давело во реката и успеал да го извлече од водата.

Станува збор за Д.И. (83) од Скопје, кој имал здравствени проблеми. На местото интервенирала екипа на Итната медицинска помош, која му укажала помош, по што бил пренесен во Градската општа болница „8 Септември“ во Скопје за понатамошно лекување.

Увид на местото извршила увидна екипа на СВР Скопје.

Црна хроника

Тешка сообраќајна несреќа на патот Љуботен – Радишани, повредени седум лица меѓу кои и деца

Објавено пред

11 минути

- 13 јуни, 2026

Три лица се здобиле со тешки повреди, а четворица малолетници се повредени во сообраќајна несреќа што се случила вчера на локалниот пат меѓу селата Љуботен и Радишани.

Според информациите од МВР, во несреќата учествувале патничко возило „Мерцедес“, управувано од 35-годишната Ф.М. од Љуботен, и патничко возило „Фолксваген Голф“, управувано од 20-годишниот А.Љ., исто така од Љуботен.

Во возилото „мерцедес“ со тешки телесни повреди се здобиле возачката Ф.М. и сопатничката Б.И., додека со телесни повреди се здобиле четири малолетници на возраст од 12 до 15 години.

Од возилото „Голф“, со тешки телесни повреди се здобил возачот А.Љ., а неговата 50-годишна сопатничка С.Љ. од селото Љубин се здобила со телесни повреди.

Повредите биле констатирани во Ургентниот центар при Комплексот клиники „Мајка Тереза“ и во ЈЗУ „Св. Наум Охридски“ во Скопје.

За случајот бил известен јавен обвинител, а увид извршила увидна екипа на СВР Скопје.

Црна хроника

Судир меѓу автомобил и мотоцикл на булеварот Борис Трајковски, мотоциклистот тешко повреден

Објавено пред

15 минути

- 13 јуни, 2026

Мотоциклист е тешко повреден во сообраќајна несреќа што се случила вчера на крстосницата меѓу булеварот Борис Трајковски, улицата Трајко Иванов и сервисна улица во Скопје.

Како што соопшти МВР, во несреќата учествувале патничко возило „хјундаи“ со скопски регистарски ознаки, управувано од 65-годишниот А.А. од Скопје, и мотоцикл со скопски регистарски ознаки, управуван од 37-годишниот Б.Л. од Скопје.

Во судирот, мотоциклистот се здобил со тешки телесни повреди, кои биле констатирани во Ургентниот центар при Комплексот клиники „Мајка Тереза“ во Скопје.

За случајот бил известен јавен обвинител од Основното јавно обвинителство Скопје, а увид на местото извршила увидна екипа на СВР Скопје.