(E përditësuar, 12:02) Anglia e ka nisur në mënyrën më të mirë të mundshme rrugëtimin në Kupën e Botës 2026, duke mposhtur Kroacinë me rezultat 4-2 në ndeshjen e parë të Grupit L.
Përballja e zhvilluar të mërkurën mbrëma dhuroi spektakël të vërtetë, me ritëm të lartë, raste të shumta shënimi dhe plot gjashtë gola.
“Tre Luanët” kaluan në epërsi që në minutën e 10-të, kur Harry Kane realizoi nga pika e bardhë pas përsëritjes së penalltisë.
Kroacia reagoi në minutën e 36-të përmes Martin Baturinës, i cili shënoi një gol të bukur për të barazuar rezultatin në 1-1.
Megjithatë, anglezët rikthyen avantazhin pak para pushimit. Sërish në skenë doli Harry Kane, i cili në minutën e 42-të realizoi golin e dytë personal dhe të dytin për Anglinë.
Kur u duk se pjesa e parë do të mbyllej me epërsinë e anglezëve, Kroacia gjeti sërish rrugën e golit. Musa shënoi në minutën e fundit të 45-minutëshit të parë, duke bërë që skuadrat të shkonin në pushim me rezultat 2-2.
Edhe pjesa e dytë nisi me ritëm të lartë. Vetëm dy minuta pas rifillimit të lojës, Jude Bellingham realizoi për 3-2, duke i dhënë avantazhin e tretë Anglisë.
Kroatët tentuan të reagojnë, por goditjen përfundimtare e dha Marcus Rashford, i cili në minutën e 85-të vulosi fitoren 4-2 të skuadrës së Thomas Tuchel.
Me këtë triumf, Anglia merr tre pikët e para në Grupin L dhe dërgon një mesazh të qartë për rivalët në garën për trofeun e Botërorit 2026.
Shënon Rashford, Anglia realizon edhe golin e katërt
(E përditësuar, 23:54)-Anglia është shumë afër fitores se parë në Botërorin 2026.
“Tre Luanët” dhe kroatët po përballen në kuadër të Grupit L në Kupën e Botës 2026.
Anglezët përmes Marcus Rashford realizuan edhe golin e katërt në duel me Kroacinë.
Ylli i Barcelonës realizoi në minutën e 85-të për rezultatin 4-2.
Anglia sërish në epërsi, realizon Bellingham
(E përditësuar, 23:14)-Anglia e ka nisur furishëm pjesën e dytë të lojës ndaj Kroacisë.
“Tre Luanët” dhe kroatët po përballen në kuadër të Grupit L në Kupën e Botës 2026.
Është Jude Bellingham, i cili në minutën e 47-të shënoi për rezultatin 3-2.
Mbyllet pjesa e parë, sërish barazon Kroacia
(E përditësuar, 22:57) Me rezultat 2-2 është mbyllur pjesa e parë e sfidës mes Anglisë dhe Kroacisë.
“Tre Luanët” dhe kroatët po përballen në kuadër të Grupit L në Kupën e Botës 2026.
Skuadra angleze më mirë e nisi këtë sfidë pasi që pas vetëm dhjetë minutave kaluan në avantazh përmes Harrye Kane, i cili shënoi nga penalltia.
Megjithatë, kroatët ia dolën të rikthehen në lojë kur Martin Baturina në minutën e 36-të shënoi një supergol për rezultatin 1-1.
Por, gëzimi i kroatëve nuk zgjati shumë. Pasi sërish në skenë del Kane, i cili në minutën e 42-të realizoi golin e tij të dytë personal për rezultatin 2-1.
Mirëpo, kroatët ia dolën që në minutën e fundit të kësaj pjesëlojë të barazojnë shifrat në 2-2 përmes Musa-s, rezultat më të cilin skuadrat shkuan në pushim.
Pas pak nis pjesa e dytë.
Sërish shënon Kane, Anglia në avantazh ndaj Kroacisë
(E përditësuar, 22:46) Gëzimi i Kroacisë nuk ka zgjatur shumë në duel me Anglinë.
“Tre Luanët” dhe kroatët po përballen në kuadër të Grupit L në Kupën e Botës 2026.
Sërish në skenë del sulmuesi Harrye Kane, i cili në minutën e 42-të realizoi për epërsinë e dytë të anglezë në duel me Kroacinë.
Baturina realizoi supergol, barazon Kroacia
(E përditësuar, 22:40)-Kroacia e ka barazuar rezultatin në duel me Anglinë.
“Tre Luanët” dhe kroatët po përballen në kuadër të Grupit L në Kupën e Botës 2026.
Ishte Martin Baturina, i cili në minutën e 36-të më një supergol barazoi shifrat në 1-1.
Kane shënon, Anglia në epërsi ndaj Kroacisë
(E përditësuar, 22:15 )-Anglia ka kaluar në epërsi ndaj Kroacisë.
“Tre Luanët” dhe kroatët po përballen në kuadër të Grupit L në Kupën e Botës 2026.
Vetëm dhjetë minuta lojë iu deshën anglezëve për të kaluar në avantazh.
Harry Kane realizoi nga pika e bardh pas penalltisë së përsëritur.
Nis superdueli Angli–Kroaci, LIVE në RTK
Pas barazimit mes Portugalisë dhe Kongos (1–1), vëmendja e mbrëmjes kalon te sfida më e madhe e ditës, ajo mes Anglisë dhe Kroacisë, e vlefshme për Grupin L të Kupës së Botës 2026, ndeshje që po transmetohet drejtpërdrejt në RTK.
“Tre Luanët” dhe Kroacia përballen në një duel të fortë dhe shumë të pritur, ku të dyja kombëtaret synojnë nisje pozitive në fazën e grupeve.
Anglia vjen me pritshmëri të larta për rezultat, ndërsa Kroacia kërkon të vazhdojë paraqitjet e saj të qëndrueshme në turnetë madhorë.
Ndeshja pritet të sjellë intensitet të lartë dhe rivalitet të fortë në fushë.
Read the full article at RTK →
XK