Peter and Elizabeth named the girl

Pétur og Elísabet ásamt Sól litlu.

Skjáskot/Instagram

Pétur Freyr Pétursson og Elísabet Helgadóttir, eigendur hönnunarverslunarinnar Vest, gáfu nýfæddri dóttur sinni nafn á dögunum. Stúlkan fékk nafnið Sól.

„Sól Pétursdóttir,“ skrifar Elísabet við mynd af hjónunum þar sem hún heldur á stúlkunni. Fyrir eiga þau dótturina Líf.

Hjónin eru miklir fagurkerar og smekkur þeirra kemur fram á heimili þeirra og í hönnunarversluninni Vest. Verslunin sérhæfir sig í húsgögnum og innanstokksmunum og endurspeglar ástríðu hjónanna fyrir fallegri og tímalausri hönnun.

„Við erum ótrúlega stolt af því sem við höfum áorkað á stuttum tíma. Það hefur verið langt og strangt ferðalag að koma búðinni á þann stað sem hún er í dag og það hefur sannarlega reynt á. Það krefst mikillar þrautseigju, vinnu og ástríðu að vera í eigin rekstri,“ sagði Elísabet um verslunina í viðtali við Smartland í fyrra.

Smartland óskar fjölskyldunni innilega til hamingju!