From first private microbiology lab to part of Medicover: Blue Macedonia celebrates 25 years of patient care

Македонија

(Видео) Филипче: Мицкоски нема резултати, затоа тера кампања на конфликти и поделби

Објавено пред

1 минута

- 18 јуни, 2026

Претседателот на СДСМ, д-р Венко Филипче, на денешната прес конференција рече дека по две години власт на ВМРО-ДПМНЕ, ЗНАМ и ВЛЕН, граѓаните живеат полошо, економијата е ослабена, а европскиот пат е целосно закочен и додаде дека Мицкоски нема никаков резултат и затоа тера кампања на конфликти и поделби.

„Оваа власт ниту има визија, ниту капацитет, ниту знаење како да ги менаџира работите, согласно тоа нема никаков резултат. Ветеното пред граѓаните пред скоро две години нема исполнето ниту 20%. А граѓаните тоа секојдневно го чувствуваат, поради тоа што паричниците веќе им се празни, исто како и фрижидерите“, истакна Филипче.

Тој нагласи дека единственото што расте во државата се долговите, додека животниот стандард опаѓа, а младите масовно ја напуштаат земјата.

„Изминатите две години единствено нешто што е зголемено се долговите на државата. Падна животниот стандард, сиромаштијата е во пораст, луѓето, посебно младите, сѐ повеќе се иселуваат“, рече Филипче.

Кога власта нема резултати таму каде што граѓаните најмногу ги очекуваат – во економијата и квалитетот на животот – прибегнува кон старата тактика на поделби и конфликти.

„Тука доаѓам до клучното, а тоа е дека кога нема испорака и нема никакви резултати таму каде што најмногу треба, а тоа е во квалитетот на живот на граѓаните, што се прави? Нормално, тоа што го прави секоја популистичка влада, како оваа на чело со Христијан Мицкоски, а тоа е дека се тера кампања на конфликти, на поделби, на креирање надворешни непријатели, идентификување на внатрешни предавници“, порача Филипче.

Претседателот на СДСМ оцени дека власта намерно ја користи темата за идентитетот за да го прикрие сопствениот неуспех во економијата и европските интеграции.

„Се претставува европскиот пат како некое загрозување на нашиот идентитет, со што луѓето се исплашени. Се користи истата приказна со која настапија на изборите во 2024 година – дека тие се големите патриоти кои ќе го одбранат идентитетот и дека Европа е таа што го загрозува. Тоа не е голема лага. Апелирам граѓаните да не подлегнат повторно, како пред две години, на неговиот трик. Да не подлегнат на овие националистички, популистички говори, затоа што единствено нешто кон што оваа лажна реторика води е изолација и сиромаштија“, рече претседателот на СДСМ, Венко Филипче на денешната прес конференција.

Македонија

(Фото) Се асфалтира улицата „Симеон Кавракиров“ во Мичурин

Објавено пред

10 минути

- 18 јуни, 2026

Градоначалникот на Општина Аеродром, Дејан Митески, денеска изврши увид во градежните активности на една од најзначајните улици во населбата Мичурин – „Симеон Кавракиров“, каде што е во тек асфалтирањето на коловозот и изградба на нови, современи и безбедни тротоари со бехатон-плочки и ниски рабници.

Станува збор за долгоочекуван инфраструктурен проект кој претставува значајна инвестиција во безбедноста, мобилноста и квалитетот на живот на жителите. Улицата, со должина од 485 метри, претставува важна сообраќајна врска низ која секојдневно се движат голем број граѓани, извести Општина Аеродром.

Реконструкцијата опфати целосна обнова на коловозната конструкција, при што се предвидени 3.950 квадратни метри нов асфалт и изградба на 2.305 квадратни метри тротоарски површини со бехатон-плочки.

Вкупната вредност на инвестицијата изнесува 22 милиони и 630 илјади денари.

Со реализацијата на овој проект, улицата „Симеон Кавракиров“ добива модерен изглед и значително подобрени услови за безбедно и непречено одвивање на сообраќајот, со што директно се унапредува секојдневното функционирање на жителите на Мичурин, се додава во соопштението на Општина Аеродром.

Македонија

Влен: Извештајот на Европскиот парламент потврдува дека иднината на Северна Македонија е во Европската Унија

Објавено пред

34 минути

- 18 јуни, 2026

„Дебатата што се одржа во Европскиот парламент за Извештајот за Северна Македонија и пораките што ги упатија европратениците претставуваат јасна потврда дека европската перспектива на нашата земја е жива, реална и остварлива. ВЛЕН го оценува како особено важна пораката на известувачот за Северна Македонија, Томас Вајц, дека нашата земја има потенцијал и капацитет да биде дел од следниот бран на проширување на Европската Унија. Ова докажува дека европските институции и понатаму ја гледаат Северна Македонија како дел од европското семејство и како доверлив партнер во регионот“, велат од Влен.

„За ВЛЕН, европската интеграција не е само политичка цел, туку и стратешка и цивилизациска определба која гарантира владеење на правото, функционални институции, економски развој, повисок животен стандард и подобра перспектива за граѓаните.

Веруваме дека патот кон Европската Унија поминува преку вистински реформи, борба против корупцијата, зајакнување на владеењето на правото, ефикасна администрација и тра…