Magnus and Juliana bought 300 million West City locks

Magnús Berg Magnússon og Júlíana Sól Sigurbjörnsdóttir hafa fest kaup á fallegu húsi í Vesturbænum.

Samsett mynd

Við Grenimel 10 í Reykjavík er að finna einstaklega smekklegt einbýlishús sem reist var 1945. Húsið er 320 fm að stærð. Smartland fjallaði um húsið árið 2024 þegar Rakel Þórhallsdóttir viðskiptakona setti húsið á sölu.

Nú er húsið selt. Kaupendur eru hjónin Júlíana Sól Sigurbjörnsdóttir og Magnús Berg Magnússon eigendur húsgagnverslunarinnar Officina í Reykjavík. Þau keyptu húsið 3. júní og fá það afhent 1. október næstkomandi.

Eldhúsið er úr bandsagaðri eik og með grænum marmara.

Ljósmynd/fasteignavefur mbl.is

Innflutt innrétting

Húsið við Grenimel er sérlega fallega innréttað með smart innréttingum. Í eldhúsinu er grænn marmari á borðplötum sem setur svip sinn á heimilið. Eldhúsinnréttingin er frá ReformCph og er úr bandsagaðri eik. Á tanga eldhússins er vaskur og helluborð frá AEG. Það er þó ekki ólíklegt að heimilið eigi eftir að taka breytingum því Júlíana er dóttir einnar smekklegustu konu Íslands, Ingibjargar Pálmadóttur, sem er arkitekt og viðskiptakona. Hún hannaði til dæmis 101 Hótel á sínum tíma og er enn í dag eigandi þess.

Á gólfunum er 30 sm eikarplankar.

Smartland óskar Júlíönu og Magnúsi til hamingju með húsið!