The Rose of Seten, the Sage of the Falklands

Hrefna Rósa Sætran matreiðslumeistari, var í gær sæmd fálkaorðunni fyrir frumkvöðla- og uppbyggingarstarf í matreiðslu og veitingahúsarekstri.

Ljósmynd/Aðsend

Forseti Íslands afhenti í gær 14 Íslendingum heiðursmerki hinnar íslensku fálkaorðu við hátíðlega athöfn á Bessastöðum. Meðal þeirra sem hlutu viðurkenninguna var Hrefna Rósa Sætran matreiðslumeistari, sem var sæmd orðunni fyrir frumkvöðla- og uppbyggingarstarf í matreiðslu og veitingahúsarekstri.

„Ég var fyrst hálforðlaus og átti erfitt með að trúa þessu. En þegar ég hugsaði til baka yfir öll árin, öll fjölbreyttu verkefnin og allt það fólk sem ég hef fengið að starfa með fór ég að sjá þetta í öðru ljósi. Þessi viðurkenning hefur mikla þýðingu fyrir mig og fyllir mig stolti,“ segir Hrefna um viðurkenninguna.

„Mjög hátíðlegt og skemmtilegt“

Hrefna hefur um áratugaskeið verið einn þekktasti frumkvöðull íslensks veitingageira og komið að uppbyggingu fjölmargra veitingastaða. Viðurkenningin er veitt fyrir framlag hennar til þróunar greinarinnar og áhrif hennar á íslenska matarmenningu.

„Þetta var mjög hátíðlegt og skemmtilegt og það var gaman að vera með öllum hinum orðuhöfunum. Það er magnað starf sem þau hafa unnið.“