HM heat in Norway: Water consumption increased by 50%

Norðmenn fagna einu af fjórum sínum gegn Írak.

AFP

1,5 milljónir Norðmanna sáu leik Noregs og Íraks á HM í nótt þar sem Norðmenn fögnuðu 4:1 sigri.

„Aldrei áður höfum við upplifað slíkan fótboltahita og þjóðarsamstöðu. Áhorfstölurnar staðfesta bara það sem við vitum nú þegar. Við erum gripin sameiginlegri HM-gleðivímu. Þetta er veislan sem allir vilja taka þátt í,“ segir Vegard Jansen Hagen, íþróttafréttastjóri TV 2 .

Leikurinn, sem var spilaður í Boston, hófst ekki fyrr en á miðnætti að norskum tíma. Það leiddi til þess að þeir sem fylgdust með leiknum urðu að búa sig undir að vaka fram eftir.

Leiktíminn leiddi til greinilegra breytinga á venjum Norðmanna. Venjulega eru flestir sofandi á þessum tíma, en í nótt var greinilegt að fólk var vakandi.

Strax í hálfleik og um leið og leik lauk jókst vatnsnotkun í Ósló um rúm 50 prósent. Í drykkjarpásum er aukningin á bilinu 20 til 30.

Þetta segir Knut Bygholm Bjelke, yfirverkfræðingur hjá Vatns- og fráveitustofnun Óslóarborgar, í samtali við TV 2.

Í Ósló fór notkunin aftur í eðlilegt horf um klukkan 5:30 í morgun, að sögn Bjelke.