Henry's letting Ronaldo hear it

Cristiano Ronaldo í gær.

AFP/Molly Darlington

Frakkinn Thierry Henry, fyrrverandi leikmaður fanska landsliðsins, Arsenal og Barcelona, lét Cristiano Ronaldo heyra það eftir jafntefli Portúgals gegn Austur-Kongó, 1:1, á HM í fótbolta í Texas í Bandaríkjunum í gær.

Portúgal missteig sig í fyrsta leik en Ronaldo náði ekki að skora.

Henry, sem er sérfræðingur hjá Fox Sport yfir HM, var ósáttur við frammistöðu Ronaldos í leiknum og vill meina að hann sé of mikið að hugsa um sjálfan sig.

„Liðið þarf að skora, þú þarft ekki að vera sá sem skorar,“ sagði Henry um Ronaldo.

Thierry Henry.

AFP/Dustin Satloff

Hann benti síðan á atvik úr leiknum sem dæmi um þetta. Að mati Henry hefði Ronaldo átt að færa sig og opna svæði fyrir liðsfélaga sinn, Bruno Fernandes.

„Í þessari stöðu hefði hann átt að hlaupa frá og opna svæðið fyrir Bruno Fernandes. En vegna þess að hann vildi sjálfur skora varð hann fyrir honum og skaut síðan fram hjá. Hefði hann í staðinn hlaupið að markinu og skapað pláss, hefði Bruno getað komið boltanum í netið. Þar sem hann hugsaði fyrst og fremst um að skora sjálfur kom hann í veg fyrir það,“ sagði Henry.