Eyglo and Birgir Bieltvedt sold the factory in Fossvogi for a high price

Eygló Björk Kjartansdóttir og Birgir Þór Bieltvedt hafa selt raðhúsið.

Samsett mynd

Hjónin og fjárfestarnir, Birgir Þór Bieltvedt og Eygló Björk Kjartansdóttir, hafa átt raðhús við Kúrland í Fossvogi í tæplega tvo áratugi. Húsið er einstakt á allan hátt. Það er 306 fm að stærð og var reist 1972. Húsinu fylgir bílskúr sem er í bílskúralengju í götunni. Sú lengja var byggð 1976.

Þessi raðhús við Kúrland eru eftirsótt því þau eru í stærra lagi og ekki á pöllum heldur á tveimur hæðum. Garðurinn er í suður og eldhúsið í norður. Þegar hjónin festu kaup á húsinu tóku þau það allt í gegn og stóðu framkvæmdir yfir lengi. Allt var endurnýjað að innan og garðurinn var endurhannaður á smart hátt.

Húsið er fallega hannað og er á fallegum stað í Fossvogi.

mbl.is/Eyþór Árnason

Umsvifamikil

Hjónin hafa verið umsvifamikil í íslensku viðskiptalífi. Hann lærði markaðsfræði og hönnun í Parsons School of Design í New York og útskrifaðist 1992 og hún er stjórnmálafræðingur. Hjónin hafa verið með lögheimili í Danmörku og því hefur Kúrlandið verið þeirra dvalarstaður á Íslandi. Hjónin hafa verið töluvert í veitingageiranum og hafa haft tilfinningu fyrir því hvað landsmenn eru sólgnir í. Þau hafa til dæmis keypt og selt pítsastaðinn Dominos þrisvar en þau seldu sig út úr rekstrinum í lok síðasta árs.

Nú hafa hjónin selt Eyju fjárfestingafélagi ehf. húsið. Félagið er reyndar ekki alveg ókunnugt því það er í eigu Eyglóar Bjarkar Kjartansdóttur. Félagið keypti húsið á 250.000.000 kr. sem er vel í lagt ef miðað er við meðalfasteignaverð á raðhúsum í hverfinu.

Um er að ræða endaraðhús sem búið er að endurhanna.

mbl.is/Eyþór Árnason