Oath of the Samaritan: What is one to say?

Eiður Smári Guðjohnsen.

mbl.is/Kristinn Magnússon

Snillingurinn Lionel Messi átti stórkostlegan leik í sigri heimsmeistara Argentínu á Alsír, 3:0, á HM í fótbolta í Kansas í fyrrinótt.

Messi fór á kostum og skoraði öll þrjú mörk Argentínu en í leiðinni jafnaði hann markamet Þjóðverjans Miroslav Klose á HM. Þeir tveir hafa skorað 16 mörk hvor á heimsmeistaramótinu.

Sérfræðingar RÚV ræddu leikinn í HM kvöldi í gærkvöldi en þar var Eiður hálf orðlaus á frammistöðu Messi.

„Hvað á maður að segja?“ spurði Eiður Smári.

„Lionel Messi, maður á bara að standa upp og klappa,“ bætti Eiður Smári við.

Daníel sonur minn betri vinur hans

Eiður og Messi voru liðsfélagar hjá Barcelona frá 2006-2009 en Albert Brynjar Ingason spurði hann hvort hann væri enn með símanúmerið hans.

„Ég er með það, en ég held að það sé gamalt. Daníel sonur minn er orðinn betri vinur hans í dag,“ sagði Eiður á léttu nótunum en Daníel Tristan Guðjohnsen ræddi vel við Messi eftir sigur Íslands á Argentínu í vináttulandsleik fyrir HM.