Got into a dispute with a cashier

Til átaka kom á bílastæðinu við Moraberg-verslunarmiðstöðina í Södertälje í morgun og var maður þar með hamar á lofti þegar lögreglu bar að garði.

Ljósmynd/Wikipedia.org/Udo Schröter

Maður hlaut meiðsli í Södertälje, suðvestur af Stokkhólmi í Svíþjóð, í morgun eftir að deilu viðskiptavinar verslunarmiðstöðvarinnar Moraberg lyktaði með handalögmálum á bílastæði þar fyrir utan og var annar deiluaðila með hamar á lofti þegar lögregla kom á vettvang.

„Annar þeirra hélt á hamri,“ segir Ola Österling upplýsingafulltrúi lögreglu í samtali við sænska ríkisútvarpið SVT af því þegar lögregla kom á vettvang á ellefta tímanum í morgun að staðartíma.

Hringdi í ættingja sinn

„Viðskiptavinur lenti í deilu við kassadömuna og hringdi svo í ættingja sinn sem kom á vettvang og kom þá til slagsmála á bílastæðinu,“ segir Österling enn fremur og kveður ekki vitað hvort sá, sem áverkana hlaut, hafi þurft að leita undir læknishendur í kjölfarið.

Segir hann lögreglu telja að minnsta kosti annan þeirra tveggja, sem lentu í handalögmálum, liggja undir grun um líkamsárás.

SVT