Left: €45,000 from the Lottery went to related firms and individuals

Како што стои во соопштението, фирмата „Мобилен Бар“, во сопственост на друштвото „Ивент Сервис“, заедно со здружението „Посветен викенд“, инкасирале над 2,7 милиони денари (околу 45.000 евра) државни средства како донации од Лотарија на Македонија. Од Левица посочуваат дека двата субјекти се наоѓаат на иста адреса и се поврзани со исти лица.

Во соопштението се наведува дека здружението „Посветен викенд“, формирано во 2024 година, меѓу другото реализирало активности како чистење на паркот „Авионче“ во Аеродром и организација на настан „Фемили деј“ во паркот Шопен во Кисела Вода.

Од Левица поставуваат прашања по кои критериуми токму овие субјекти добиле средства од Државната лотарија и каков проект од јавен интерес е понуден за исплата на ваквите суми.

Во соопштението се додава дека Левица прашува дали парите во Државната лотарија се пари на граѓаните или, како што наведуваат, „личен фонд за наградување на поранешни партиски функционери и советници од Аеродром“.